Barcelona n vitet e fundit i ka rrëmbyer Liverpoolit lojtarët më në formë. Kujtojmë transferimin e Luis Suarez dhe më pas blerja e fundit mes shumë polemikash që ishte ajo e Phelipe Coutinhos. Në kontratën e këtij të fundit “The Reds” kanë përfshirë një klauzolë të çuditshme, e cila e mbron nga rrëmbimi i yjeve të tjerë që ka në skuadër.
Mediat spanjolle bëjnë me dije se katalanasit e kanë të ndaluar që në tre vitet e ardhshme të mos kontaktojnë asnjë lojtarë të Liverpool. Jurgen Klopp refuzoi dy herë që të shiste brazilianin te spanjollët por në fund Barcelona ia doli ta marrë për 160 milionë euro dhe për këtë arsye është marrë kjo masë.
Për të ndalur eksodin e “yjeve” të tyre Liverpool e detyroi klubin spanjoll të nënshkruante këtë klauzolë të padëgjuar më parë. Tashmë mbeten edhe dy vite për katalanasit që të projektojnë një blerje nga “Anfield”, kjo pasi Coutinho bëri një vit nga transferimit në Spanjë.
Sulmuesi ka firmosur deri në vitin 2023 me Barça me pagë vjetore prej 14 milionë euro dhe klauzolë largimi 400 milionë euro. Braziliani u ble me çdo kusht për të zëvendësuar hapësirën e lënë bosh nga largimi i Neymar dhe deri më tani ia ka dalë të tregojë lojë në nivel të lartë.
