Nuk është hera e parë që Stresi bëhet objekt bisede, sa i takon arrestimeve. Kapjet e tij të bujshme, kanë sjellë mjaft të qeshura në rrjetet sociale. Po kështu edhe Noizy ka qenë protagonist aktesh të dhunshme, përplasjesh me armë, plagosjesh e rrahjesh.
Për këto ngjarje dhe këngët me përmbajtjet e tyre shpesh banale, ka reaguar gazetari Mentor Kikia. Me anë të një analize ku dëshmon se ne nuk po përqafojmë artin, por banalitetet, gazetari ka treguar edhe se kush është rruga e drejtë për ti dhënë fund kësaj situate mbytëse.
Ai i bën thirrje AMA-s që të ndalohen urgjentisht këngët e videoklipet e këtyre këngëtarëve, të cilët ekspozojnë vetëm silikon dhe armë.
Këngët e tyre që kthehen në kohë rekord në hite, nuk janë gjë tjetër veçse disa fjalë të ndyra dhe sharje. Po kështu klipet ndjellëse, janë parë si e vetmja mënyrë për të qënë pjesë e këtij tregu kaotik.
