Kryeministri Edi Rama ka marrë pjesë sot në Kongresin e 22-të Botëror të Naftës, i cili zhvillohet në Stamboll. Rama ka shfrytëzuar këtë moment për t’u prezantuar investitorëve resurset tona, duke i ftuar ata që ta shohin me seriozitet vendin tonë, të cilin e quan fronin e ri të naftës.
“Më lini t’u them se ne jemi të ulur në një prej fushatave të naftës më të mëdha në Evropë me 220 milionë fuçi nate të vërtetuara në rezerva nafte, 6.5 milionë fuçi në vit prodhim, kemi rritje të prodhimit të naftës dhe të kapacitetit të rafinimit. Jemi në skenarët e ristrukturimit të kompaninë shtetërore. Ka shumë për të folur për vendin dhe për të ardhmen e shkëlqyer ku do të jemi të suksesshëm, me praninë e partnerëve seriozë, por jemi entuziastë se së fundi është zbuluar një burim i madh gazi në Shqipëri”, tha Rama.
Pyetjes nëse mund të bëhet Shqipëria front i ri i naftës, Rama iu përgjigj:
“Besoj se kemi të gjitha mundësitë për ta bërë Shqipërinë një front të ri të naftës. Kemi rezerva dhe burime të mëdha ende të pashfrytëzuara. Sektori energjetik për qeverinë tonë është prioritet strategjik, kemi strategji të qartë dhe shumë rezerva gazi e nafte, por për t’ia dalë me sukses duhet të bashkëpunojmë së bashku, kjo është arsyeja pse i jemi shumë mirënjohës presidentit Erdogan”, tha ai.
https://www.facebook.com/edirama.al/videos/10154937182271523/
