Papa Françesku duke iu referua tensioneve në rritje mes Koresë së Veriut dhe SHBA-ve, ku është rritur mundësia e një konflikti bërthamor, paralajmëroi se njerëzimi po kërcënohet me vetëvrasje, kur bëhet fjalë për konflikte bërthamore.
Konfrontimi nuklear i Shteteve të Bashkuara dhe Koresë së Veriut, do të jetë temë kryesore e konferencës së Vatikanit, në të cilën do të jenë të pranishëm 11 fitues të Çmimit Nobel për Paqe, zyrtarë të lartë të Kombeve të Bashkuara, të NATO-s, si dhe ambasadorë nga vendet kyçe.
Sot gjithashtu zyrtarë të lartë të mbrojtjes nga Shtetet e Bashkuara, Koreja e Jugut dhe Japonia u takuan për të diskutuar lidhur me kërcënimet që paraqet programi bërthamor i Koresë së Veriut.
Ky takim mbështet dhe thirrjen e Papa Françeskut që të bëhet kujdes sepse tensioni është shume i lartë dhe një luftë e tretë botërore ku përdoren armët bërthamore do të thotë shfarosje e njerëzimit.
