Pas akuzave të Atletiko Madrid se Barcelona provoi një transferim të paligjshëm të Antoine Griezmannit, FIFA konfirmoi se ata kanë marrë një ankesë zyrtare lidhur me çështjen. Katalanasit kanë mohuar se të dielën Josep Maria Bartomeu ishte takuar me familjen e francezit. Është e qartë një dëshirë e katalanasve për të afruar Griezmann, pasi klauzola e ish-sulmuesit të Sociedadit është 100 milion euro dhe do të ishte një alternativë shumë e mirë dhe më pak e kushtueshme se e brazilianit Philippe Coutinho.
Barcelona e ka mohuar të ketë pasur bisedime me sulmuesin francez, por skuadra spanjolle ka vendosur të ankohet në FIFA. Tani është vet shtëpia më e madhe e futbollit në botë që ka njoftuar për media se kanë pranuar ankesë nga Atletico Madridi lidhur me këtë çështje. “Ne kemi marrë një ankesë nga Atletico de Madrid për rastin Antoine Griezmann”, tha të mërkurën një zëdhënës i FIFA-s për gazetën Marca. Griezmann rinovoi kontratën e tij me Los Colchonero vetëm në muajin qershor të këtij viti, duke e vazhduar atë deri në vitin 2022. Në përputhje me rregullat e FIFA-s, klubeve nuk u lejohet që të kontaktojnë me lojtarët që i përkasin ekipeve të tjera deri në gjashtë muaj para se të përfundoj kontrata e tyre aktuale.
