Kosova do të bëhet me ushtrinë e saj brenda këtij viti. Lajmin e ka dhënë kryetari i Kuvendit, Kadri Veseli, me anë të një postimi në rrjetet sociale. Tashmë është konfirmuar zyrtarisht se në datën 14, Kosova do të gëzojë ushtrinë e saj.
“Më 14 dhjetor 2018, do ta kemi zyrtarisht Ushtrinë e Kosovës. Kjo është data kur në Kuvendin e Kosovës do t’i votojmë Projektligjet që e transformojnë FSK-në në Ushtri. Na priftë e mbara dhe urime të gjithëve”, shkruan ai në Facebook.
