Kryetari i komunës së Bujanocit, Shaip Kamberi, nderoi me mirënjohje “Post Mortem”, kryetarin e ndjerë të Kuvendit komunal të Bujanocit, Jonuz Musliu.
Mirënjohja i është ndarë Jonuz Musliut për kontributin e dhënë në zhvillimin dhe avancimin e pozitës së shqiptarëve në Komunën e Bujanocit, në Kabinetin e kryetarit të komunës, e pranuan familjarë të Jonuz Musliut.
Jonuz Musliu ishte kryetar i kuvendit komunal të Bujanocit edhe gjatë mandait të fudnit qeverisës.
Ai ndërroi jetë një javë më parë për shkak të një sëmundjeje, ndërsa para 6 muajve është detyruar të shtrihet në spital në Turqi për trajtim mjekësor pas disa problemeve shëndetësore.
Jonuz Musliu ka lindur në vitin 1959. Ai ka qenë ish- komandant i Ushtrisë Çlirimtare për Preshevë, Medvegjë dhe Bujanoc. Nga viti 2014 është kryetar i Këshillit Nacional Shqiptar, si Kryetar Kuvendi në Bujanoc për disa mandate, ndërsa për herë të fundit është zgjedhur në vitin 2016.
Musliu la bashkëshorten dhe tre djemtë, Fatlumin, Shqiprimin dhe Sarandin.
