Sërish probleme me linjën e kompanisë Wizz Air. Mësohet se shumë qytetarë shqiptarë janë bllokuar në Athinë për shkak se kjo linjë ka shtyrë fluturimin pa asnjë sqarim.
Një qytetar, sqaron për BalkanWeb se avioni që ishte parashikuar që të nisej drejt Tiranës në orën 13:35, është shtyrë. Pasagjerët, pasi kaluan kontrollin dhe shkuan me autobusë drejt avionit, i rikthyen sërish në aeroport pas disa minutash pritjeje në pistë.
Mes qytetarëve të bllokuar në aeroportin grek, ka dhe shumë fëmijë, ndërsa kompania nuk iu ka dhënë asnjë sqarim se kur do të niset avioni drejt Tiranës.
