Komiteti Ekzekutiv vendosi që në datë 7 shkurt të mbahet Asambleja e Përgjithshme Zgjedhore e FSHF-së, ku si rrjedhojë do të mbahen edhe zgjedhjet për President të FSHF-s. Lajmi u publikua në faqen zyrtare të Federatës Shqiptare të Futbollit, ditën e sotme, ku ndër të tjera njoftohej se punimet e Asamblesë së Përgjithshme do të zhvilloheshin në hotel ‘Adriatik’, në Durrës.
Delegatët që do të votojnë në Asamble duhet të depozitohen nga antarët deri në datë 18 janar, ndërsa deri në 23 janar do të pranohen kandidatët për president të FSHF-s, duke dorëzuar dokumentacionin përkatës për tu zyrtarizuar kandidat.
Gjithashtu, deri më datë 18 janar, anëtarët duhet të depozitojnë emrin e delegatit me të drejtë vote që do i përfaqësoje në Asamble. Edhe kandidatët për president të FSHF, duhet të dorëzojnë brenda datës 23 janar, dokumentacionin e listuar edhe më poshtë, për të zyrtarizuar kandidaturën.
Njoftimi i FSHF-s:
Federata Shqiptare e Futbollit, me qëllim sqarimin e opinionit publik, duke marrë shkas nga shqetësimet e ngritura në disa media sportive, thekson se Komiteti Ekzekutiv i FSHF-së në mbledhjen e tij të datës 06/01/2018, ne bazë të kompetencave që i jep Statuti i FSHF-se, vendosi të thërrasë Asamblenë e Përgjithshme të Zakonshme (Zgjedhore) e cila do të zhvillojë punimet me datë 07/02/2018, ora 9:00, në Hotel “Adriatik“, Durrës.
Ky vendim është marrë në përputhje dhe në respektim të plotë të përcaktimeve të Statutit të FSHF dhe të kohëzgjatjes së mandatit aktual, i cili përfundon po në Shkurt 2018 dhe nuk mund të zgjatet tej këtij afati.
Po në përputhje me Statutin, nga ana e Sekretariatit të Përgjithshëm, anëtarëve të FSHF iu dërgua njoftimi përkatës, së bashku me rendin e propozuar të ditës. Në zbatim të nenit 21, pika 3, të Statutit të FSHF-së, brenda datës 18/01/2017, anëtaret duhet të depozitojnë zyrtarisht në Sekretariatin e FSHF-së emrin e delegatit me të drejtë vote që do t’i përfaqësoje ne këtë Asamble. Po sipas Statutit të FSHF-së, delegati nuk mund të zëvendësohet mbas afatit te dorëzimit të listës në Sekretariatin e FSHF-së.
Ne bazë të Nenit 31, pika 3, te Statutit te FSHF-se, anëtaret kane të drejtë të propozojnë një emër që do të kandidojë për President ose për Anëtar të Komitetit Ekzekutiv të FSHF-së. Ne zbatim të nenit 15, pika 1, të Rregullores se Procedurave te Asamblesë së Përgjithshme propozimi duhet të dorëzohet në Sekretariatin e FSHF-së brenda datës 18/01/2018.
Konform Nenit 15/4 të Rregullores së Procedurave të Asamblesë, kandidatët duhet që brenda datës 23.01.2018, të dërgojnë dokumentet e mëposhtëm tek Sekretariati i Përgjithshëm:
a) Të dhëna për cilin funksion ky kandidat do të aplikojë;
b) Emri, mbiemri dhe adresa e shtëpisë së kandidatit;
c) Një CV e Shkurtër ku i përgjigjet kërkesave të nenit 28 të Statutit të FSHF dhe ndonjë kërkesë tjetër rregulluese;
d) Evidenca dokumentuese të nevojshme për të provuar plotësimin e të gjitha kërkesave për kandidatin për zgjedhje;
Ashtu si ne të gjitha Asambletë e Zakonshme, zgjedhore ose jo, këto rregulla dhe procedura të ndjekura nga Komiteti Ekzekutiv në vendimmarrjen e datës 06.01.2018, jo vetëm që janë rezultat i respektimit rigoroz të akteve rregullatore, por për më tepër janë të njohura dhe të pranuara nga të gjithë anëtarët e Federatës. Rrjedhimisht shqetësimi i bërë prezent në këtë rast është i pavend.
