Projektligji i ri i propozuar nga Ermonela Felaj në emër të Partisë Socialiste për komisionet hetimore është kundërshtuar nga opozita!
Deputetja Jorida Tabaku e sheh si një nismë të njëanshme, ndërsa thotë se një projekt i tillë duhet të bëhet me dakordësi.
Të gjitha fraksionet e opozitës shprehen njëzëri se mazhoranca synon që të kufizojë të drejtat e opozitës për ngritjen e komisioneve.
Sipas propozimit të ri, anëtarët e komisionit hetimor mund të kërkojnë që personat që do të thirren për t’i pyetur mund ta japin dëshminë e tyre me dyer të mbyllura pa prezencën e mediave, ndërsa kjo pikë kundërshtohet nga Tabaku!
Për Juristin e Partisë Demokratiek të kryesuar nga Lulzim Basha, Rezart Kthupi, kjo pikë nuk është aq problematike.
Projekt ligji i ri për ngritjen e komisioneve hetimore është lajmëruar më herët nga kryeministri Edi Rama, ndërsa mazhoranca nuk ka pranuar 8 kërkesa të opozitës. Si formë reagimi kundër refuzimeve nga mazhoranca, opozita ka paralizuar jetën parlamentare.
