Ish-komisari i “hekurt” Edmond Koseni ka thyer heshtje. Ai ka mbajtur detyra të larta drejtuese në Policinë e Shtetit në kohën e ish-kryeministri Nano. Ai është rishfaqur në emisionin “Dritare me Rudina Xhungën”, ku është shprehur se polici duhet të jetë vetë trim dhe të luftojë familjet kriminale.
Polici i karrierës ka deklaruar se është i gatshëm të rikthehet në detyrë. Edhe pse ai i ka fituar të gjitha gjyqet, drejtuesit aktual të Policisë nuk pranojnë të zbatojnë vendimet e gjykatave.
Edmond Koseni tha se ai ka ushtruar dhunë ndaj elementëve të rrezikshëm dhe bandave. Sipas tij kjo ishte e vetmja mënyrë që të luftohej kriminaliteti.
“Ishte viti ’97 dhe në atë kohë ishte e vetmja mënyrë për të luftuar kriminalitetin. Unë dilja vetë në patrullë dhe në atë kohë kriminaliteti ra në mënyrë drastike. Duhet të dilja vetë sepse kriminelët ishin të rrezikshëm”, tha ai.
Ish-drejtori i Policisë së Elbasanit, Koseni u shpreh në kohën e ish-kryeministrit Fatos Nano i ishin besuar funksione të larta drejtuese në Policinë e Shtetit. Tashmë ai punon si përgjegjës i sigurisë private në Fabrikën e Çimentos, Elbasan.
“E kam bërë fabrikën model i rregullit dhe sigurisë. Policët duhet të jenë vetë trima dhe të njohin familjet kriminale të zonës. Polici duhet të mbështet maksimalisht nga kuadrot e tyre, madje edhe nga Drejtori i Përgjithshëm i Policisë së Shtetit”, tha Koseni.
Gjatë diskutimit në emision, drejtori i Departamentit të Sigurisë Publike në Policinë e Shtetit, Gjovalin Loka tha se gjithkush mund të rikthehet në Policinë e Shtetit në rast se përmbush kriteret e ligjit të vetingut.
Debati:
Xhunga: Një ish-polic kërkon të kthehet në punë, ju çfarë mendoni?
Loka: Është bërë një ligj dhe thuhet se çdo ish punonjës mund të vetë ofrohet. Nuk i ka penguar askush që të bëjnë kërkesë për tu futur në polici. Zoti Koseni ka 60% të punonjësve të policë në Elbasanit duhet të kishte marrë informacione.
Koseni: Ka 18 vjet që bëj gjyqe pa ndërprerje edhe i kam fituar, problemi është se më ka hetuar prokuroria dhe tullat në shtëpi. Kam 18 vite që ndjek shtetin nga mbrapa. Kam 18 vite që ha bukën time.
