Komedia “A flasim për burrat?” vjen premierë në Tiranë, në skenën e Teatrit Kombëtar te “ArTurbina”. “A flasim për burrat?” do të vijë për publikun e Tiranës në tre data; 4-5-6 shkurt.
“Tre mikesha, secila me karakterin e saj të veçantë, punën dhe problemet e saj, të cilat bëjnë që të jenë tre personazhe të ndryshme me problematikat që sot i hasim çdo ditë. Ato takohen që të flasin me njëra-tjetrën për problemet e tyre, i tregojnë gjithçka njëra-tjetrës, i besojnë opinionit dhe mendimit te njëra-tjetrës…dhe sigurisht, tema e preferuar e grave janë burrat…”, thuhet në njoftimin e Teatrit Kombëtar për shfaqjen.
Komedia vjen në skenën e Tiranës për herë të dytë. Me regji nga Andeta Radi, në role janë aktoret e njohura Rozana Radi, Blerta Belliu dhe Lola Meta. Komedia vjen për tre netë në Tiranë, koreografia nga Bardhi Pojani, kitarë Panajot Qorri, në role episodike Valentino Hamati.
