Kombëtarja/Alarm në mbrojtje, pas Mavrajt dhe Ajeti…

Crotone e Arlind Ajetit u përball ditën e sotme me Genoan në fushën e kësaj të fundit dhe u mposht me rezultatin 1-0. Goli i vetëm u shënua nga Bessa që në pjesën e parë, ku e nisi si titullar edhe qendërmbrojtësi i kombëtares shqiptare.

Por paraqitja e tij ka qenë shumë zhgënjyese dhe pas 45’ minutave të pjesës së parë, trajneri Valter Zenga e ka lënë në dhomat e zhveshjes. Mediat italiane po ashtu kanë bërë një vlerësim negativ për Ajetin, duke e vlerësuar me notën 5, kujtojnë që u ndëshkua edhe me karton të verdhë.

Ky është një lajm i keq edhe për trajnerin e kombëtares shqiptare, Cristian Panucci, pasi përveç Mavrajt që është larguar nga ekipi i parë i Hamburgut rrezikon të mos ketë me minuta në këmbë edhe Ajetin.