Shqipëria ka zhvilluar seancën e fundit stërvitore në prag të ndeshjes me Skocinë. ndeshja do të zhvillohet në Shkodër në stadiumin “Loro Boriçi”, të shtunën në orën 20:45. Trajneri Christian Panucci duket se i ka të qartë se kush do të jetë titullar në këtë sfidë, duke zgjidhur edhe disa nga dilemat që kishte me formacionin.
Eros Grezda, që kishte dyshime për dëmtimin e tij, u stërvit me grupin, dhe lojtari i Rangers shihet gati për takimin e së shtunës. Sulmi pritet t’i besohet Bekim Balajt, që do të luajë para spektakorit të tij shkodran, ndërsa do të mbështetet nga Grezda dhe Uzuni.
Në portë Strakosha, ndërsa Hysajn të pezulluar me kartonë, pritet ta zëvendësojë Veseli. Në të majtë rreshtohet Binaku, ndërsa qendra përbëhet nga Mavraj e Gjimshiti. Mesfusha sheh Kaçen që rikthehet si titullar, për të zëvendësuar Bashën, ndërsa krah tij janë Memushaj e Xhaka.
Formacioni i mundshëm: Strakosha; Veseli, Gjimshiti, Mavraj, Binaku; Kaçe, Xhaka, Memushaj; Uzuni, Grezda; Balaj.
