Kombëtarja shpresa e Shqipërisë U21do të zhvillojë dy ndeshje miqësore në Antalya të Turqisë dhe sot trajneri Alban Bushi ka publikuar edhe listën e lojtarëve të ftuar. Të dyja ndeshjet kuqezinjtë do t’i zhvillojnë përballë moshatarëve të tyre nga Azerbejxhani, në datat 21 dhe 26 janar.
Risi në këtë listë është mbrojtësi prizrenas, David Domgjoni i cili ka shkëlqyer këtë edicion me Lirinë. Vlenë të theksohet se ekipi kosovarë është nën urdhrat e ish-kapitenit të Skënderbeut Blendi Shkëmbi. I kontaktuar nga Telegrafi, prizrenasi Domgjoni është shprehur shumë i lumtur me ftesën e marrë nga Kuqezinjtë.
“Jam i kënaqur me ftesën që më ka bërë trajneri Alban Bushi. Jam i bindur se besimin e tij do ta shpërblej me angazhim dhe paraqitje të mira. Është nder dhe privilegj për çdo futbollistë që të vesh fanellën kuqezi”, tha Domgjoni. Liria është duke konkurruar ë dy fronte momentalisht në Kupën e Kosovës dhe në kampionat dhe Domgjoni është një ndër lojtarët kyç të ekipit.
