Problemet në grumbullimin e kombëtares shqiptare në Antalia, nuk paska të mbaruar. Basha ishte i pari që braktisi ekipin pasi nuk ia doli dot të riaftësohet në kohë për të qenë i gatshëm për tu përballur me Turqinë. Pas largimit të tij Panucci nuk vendosi ta zëvendësojë me ndonjë lojtarë tjetër. Por një ditë më parë ka ardhur sërish një lajm tjetër i hidhur, pasi është larguar nga grumbullimi edhe portieri Strakosha.
Strakosha ka pasur një problem në kavilje dhe tekniku italian i ka dhenë leje që të kthehet tek ekipi i Lacios për një kontroll më të specializuar. Forma e lartë që po kalon portieri tek ekipi i tij e ka bërë atë që të kthehet në një pikë mjaft të fortë për ecurinë pozitive që ka pasur Lcio. Dhe tekniku i lacialëve Inzaghi, nuk do të donte ta humbte para përballjes që do të ketë fundjavën e ardhshme më Romën.
Por nuk mbaron me kaq pasi edhe Liridon latifi ditën e sotme është larguar nga grumbullimi dhe kështu shkon në tre numri i lojtarëve që largohen për shkak dëmtimesh. Mesfushori që aktivizohet te Puskas Akademi në Hungari u paraqit i dëmtuar dhe pas konsultave me stafin mjekësor u vendos që 23-vjeçari të kthehet në klubin e tij për të vazhduar fazën e rehabilitimit.
Ndërkohë, me skuadrën bashkohet Ylber Ramadani. Mesfushori i thirrur për herë të parë në Kombëtaren A, u lejua nga trajneri Panucci që të luante në ndeshjen ku ekipi Shpresa barazoi 1-1 në shtëpi përballë Irlandës së Veriut. Madje djaloshi nga Ferizaj ishte autori i golit të avantazhit të përkohshëm të kuqezinjve, duke treguar kualitetin me një goditje perfekte, përveç volumit të lojës së krijuar dhe dueleve të shumta në mesfushë.
