Ngjarja që ka ndodhur në zonën e ish-Bllokut po komentohet po aq me intesitet. Gazetari Kastriot Myftaraj i ftuar në “360 Gradë” në “Ora News”, ka deklaruar se shefi i komandove duhet të ishte arrestuar pas ngjarjes. Për të, është e pazakontë që një komando të qëllojë me armë në një zonë të populluar si terminator. Sipas tij, shteti ka rënë dhe se tashmë ai komando duhej të ndodhej në qeli.
“Sot duhet të ishte në burg komandanti i forcave Komando. Sot duhet të ishte në burg tërë hierarkia e Forcave Speciale. Të gjithë e bëjnë këtë punën e badigardëve informalë. Ti mbrohesh si oficer i shtetit. Ai ka hyrë qëllimisht. Si të shkosh komando dhe të hysh në lokal si terminator, 10 shënjestra. A e di ti që Ervis Martini ka të drejtë të hedhë në gjyq tërë shtetin.
Por të të bëjë shteti dhuratë një terminator dhe i këput njerëzit, i stërvitur nga shteti dhe partnerët tanë. Shteti nuk mban nën kontroll forcat më të specializuara që ka. Këtë punë e bën RENEA. Nuk kemi parë komando të qëllojnë në Bllok. Si mundet ai oficer komando të qëllojë 10 herë. Kina çfarë bëri? Futi në burg shefin e Interpolit. Shteti duhet t’i kontrollojë”.
