Kolla vjen si rezultat i ngacmimit që shkaktojnë nervat në rrugët e sipërme të frymëmarrjes. Kjo vjen zakonisht kur për shkak të ftohjes apo ndonjë infeksioni fyti, rrugët e sipërme të frymëmarrjes pezmatohen. Në varësi të diagnozës, trajtimi mund të përfshijë:
- Barna antihistamiike dhe dekongjestues – Gjatw rrjedhjes postnazale.
- Inhalatorët anti-astmatik – Ulin pezmatimin dhe spazmat dhe hapin rrugët e frymëmarrjes.
- Antacidët – Ndihmojnë uljen e aciditetit.
- Antibiotikët – Nëse kolla dyshohet se është shkaktuar nga ndonjë infeksion bakterial, si infeksione të sinuseve ose mushkërive, atëherë mund të ndihmojë edhe antibiotikët.
- Heqja dorë nga duhani – Duke hequr dorë nga duhani dhe qëndrimi në ambiente me tym, ju do të lehtësoni kollën dhe simptomat tjera të bronkitit kronik.
Nëse nuk gjendet shkaktari i kollës tuaj, ose nëse shkaktari nuk mund të mjekohet me efektivitet, mund të përshkruhen barna për të qetësuar kollën, lehtësuar nxjerrjen e gëlbazës ose për të lehtësuar frymëmarrjen. Por duhet të keni parasysh se marrja pa rekomandim, pa zbuluar shkakun e vërtetë nuk bën gjë tjetër veçse tjetërson klinikën dhe zgjat trajtimin real. Prandaj së pari rekomandohet bërja e një vizite tek mjeku specialist, dhe pas kësaj mund të përcaktohet edhe trajtimin i përshtatshëm për kollën tuaj.
