Duket se Ferrari këtë sezon do të jetë më konkurruese se Botërorin që lamë pas. Në Çmimin e Madh të Bahrein do të kemi një vijë të parë të skuqur, pasi në provat e ditës së shtunë për garën e dytë të Botërorit në Formula 1, ka shkëlqyer 4 herë kampion i botës, Sebastian Vettel. I cili regjistroi kohën më të mirë me 1 minutë, 27 sekonda dhe 958 të mijtat, duke lënë pas shokun e tij të skuadrës me kohën 1’ 28’’ dhe 101 të mijtat.
Pas dy “kokëkuqeve” do tw jetw Valtteri Bottas me Mercedes. Ndwrsa Hamilton pavarësisht kohës së katërt më të mirë të regjistruar në provat zyrtare, do të niset nga vendi i 9, për shkak të pezullimit me 5 vende si pasojë e ndërrimit të kambios.
Dhjetëshja e parë plotësohet nga Ricciardo (4), Gasly (5), Magnussen (6), Hulkenberg (7), Ocon (8) dhe Sainz (10). Një ditë zhgënjyese për Alonson me McLarenin e tij, që do të niset vetëm nga vendi i 14, edhe pse spanjolli pretendon të luftojë për podium në çdo garë të këtij sezoni.
