Një 27-vjeçar shqiptar është arrestuar në Selanik për trafik dhe tregti droge. Sipas policisë greke, i arrestuari është koka e një bande që policia greke gjurmon prej kohësh, pas të dhënave që ka siguruar nga investigimi i disa muajve. Të dhënat e të arrestuarit nuk bëhen publike akoma.
Gjatë operacionit policia greke ka sekuestruar sasi droge dhe eurosh. I arrestuari ishte përgjegjës për depozitimin dhe transportin në të gjithë Greqinë.
27-vjeçari shqiptar u arrestua në zonën Analipsi në Selanik dje në darkë, ndërsa pas kontrollit të sotëm në shtëpinë e tij u gjetën dhe sekuestruan: 662 gr kokainë e fshehur me kujdes,2 pako me kanabis të papërpunuar 235 gr, 2 peshore, pistoletë, 7 plumba, (8.410)euro nga shitja e drogës, (3) celularë si dhe bileta avioni.
