Pas sekuestrimit të sasisë rekord të kokainës sot në Durrës aktorët politikë krahas falënderimeve për policinë, kanë hedhur akuza të forta mes njëri tjetrit. Kryetari i Partisë Demokratike, Lulzim Basha përmes një statusi në rrjetin social Facebook shkruan se Rama dhe Xhafaj janë të pabesueshëm me versionet e tyre.
Ai shkruan se kryeministri mburret dhe falënderon a agjencitë shqiptare për kapjen e kokainës, ndërsa ministri i Brendshëm përgëzon agjencitë e huaja, pasi sekuestrimi i 613 kilogramëve të kokainës është kreyer në bashkëpunim.
Basha shkruan se: “Ndërkohë ky që i kapën 613 kg kokainë sot, dhe që është larguar në drejtim të paditur, paska bërë 97 rrugë Kolumbie nën hundën e Edi Ramës dhe Tahir-Xhafajve të tij”.
Statusi i Bashës
Kokaina fut në sherr klanet e drogës në qeveri. Edi Rama dhe Fatmir Xhafaj janë aq të pabesueshëm saqë i pari i bandës thotë se operacioni për kokainën ishte rezultat vetëm i agjencive shqiptare, ndërsa i dyti thotë se kapja u krye në bashkëpunim me agjencitë e huaja.
Cilin nga klanet e drogës duhet të besojmë? Atë të Edi Ramës, pra klanin e kokainës së Xibrakës, apo klanin e Bolonjës së Agron Xhafajt i cili ka përvojë më të gjatë me trafikun e drogës nga Amerika Latine, për të cilin është dënuar në Itali.
Ndërkohë ky që i kapën 613 kg kokainë sot, dhe që është larguar në drejtim të paditur, paska bërë 97 rrugë Kolumbie nën hundën e Edi Ramës dhe Tahir-Xhafajve të tij. Sic demonstron dokumenti më poshtë, klikoni ketu: https://panjiva.com/Arbri-Garden-Shpk/41582645
