Partia Demokratike vijon akuzat, ku shënjestron familjen e kryeministrit si të përfshirë në trafikun e kokainës rekord të kapur në fund të shkurtit në Durrës.
Deputeti demokrat, Enkelejd Alibeaj tha në një deklaratë për mediet se Rama po bën gjithçka është e mundur për të shpëtuar Tahirin nga burgu dhe se Olsi Rama është peshku i madh i kokainës.
“Akuzat qesharake nuk e ndihmojnë Ramën të fshehë dy të vërteta: se po bën gjithçka për të shpëtuar Tahirin nga burgu dhe se Olsi Rama është peshku i madh i kokainës. Që kur kokaina u kap, Rama është zhdukur nga qarkullimi, nuk jep shpjegime se çfarë lidhjesh ka Olsi Rama me kanabisin. Ai hesht dhe nuk u thotë shqiptarëve se përse është takuar të premten me Saimir Tahirin në një spital. Është detyra e tij të flasë, duke mos e mbajtur peng integrimin e vendit. Ai e di mirë që pa i hequr mbrojtjen Tahirit, nuk ka negociata me BE-në”, tha Alibeaj.
