Pak kohë më parë, bëri bujë në media deklarata e kryeministrit Rama i cili akuzoi Veliajn se është koka e një komploti që po organizohet brenda Partisë Socialiste.
Por kjo ishte një ironi e përdorur nga Rama, që mbase ka pasur si qëllim edhe dërgimin e ndonjë mesazhi, teksa thuhet se Veliaj po kërkon të fitojë terren brenda socialistëve.
Megjithatë, Elisa Spiropali ka hedhur poshtë zërat për një prishje të marrëdhënies Rama-Veliaj. E ftuar në studion e “5 Pyetje nga Babaramo”, Ministrja e re e Shtetit dhe Parlamentit tha se kryetari i Bashkisë Tiranë, Erion Veliaj nuk ka asnjë konflikt me kryeministrin Edi Rama.
Spiropali u shpreh se puna e Veliajt në Bashkinë e Tiranës, se janë të gjitha konspiracioni që pasurojnë menunë e portaleve.
“Nuk ka asnjë konflikt Rama-Veliaj, apo një konflikt Veliaj me njeri tjetër. Janë të gjitha teori konspiracioni që pasurojnë menunë e portaleve shqiptare që janë kthyer në burim klikimesh dhe të gjitha i bëjnë për klikime. Puna vazhdon Tirana është ajo që është. Ka ndryshuar shumë që nga qeverisja e Bashës dhe besoj se puna flet vetë. Kur analizohen kandidatët në PS, të gjitha merren parasysh. S’ka ngelur tek unë kandidimi i Veliaj, se diskutohet në kryesi, por puna e Veliajt flet vetë.”– u shpreh Spiropali.
