Liverpool do të presë sonte në “Anfield” PSG-në në ndeshjen e parë të fazës së grupeve në Champions League. Kylian Mbappe është ylli më i ri i parisienëve i cili tashmë është edhe kampion bote në fuqi, por edhe emri kërkuar në merkato nga gjigantët e mëdhenj. Por para se të kalonte tek PSG, Mbappe ishte në bisedime me Liverpool.
Ka qenë vetë Jurgen Klopp ai që është marrë personalisht me këtë transferim dhe ka takuar yllin francez për ta bindur. Por as sharmi i Klopp nuk arriti të bindë Mbappe pasi gjermani shpenzoi disa orë duke u munduar ta bindë t’i bashkohet Liverpool. Skuadra angleze ishte gati ta bënte lojtarin më të paguar përkrah Philippe Coutinho pas sezonit fantastik te Monaco. Teksa Mbappe u impresionua nga stili entuziast i Klopp, ai vendosi të qëndronte në Francë duke zgjedhur PSG.
Pas një sezoni të shkëlqyer me Monacon, talenti francez u kthye në njeriun më të kërkuar të merkato dhe vlera e tij arriti në 180 milionë, shumë të cilën e pagoi PSG.
