Kledi Kadiun së shpejti do ta shohim në ekranet shqiptare, pasi ai do të jetë pjesë e një paneli për të vlerësuar performancat.
Moderatorja Alketa Vejsiu, përmes një postimi në Instagram ka dhënë këtë lajm, ku ai do të jetë në krye të jurisë të sezonit të ardhshëm “Dance With Me”.
“Kledi Kadiu do të jetë anëtari i panelit të jurisë në #dancewithmealbania/ Edicioni i 5! Pas disa eksperiencave të rëndësishme në Mediaset si balerin, anëtar jurie, dhe profesor në serialin “Amici” dhe jo vetëm, Kledi rikthehet në Shqipëri në statusin e anëtarit të jurisë!
Koreografi dhe balerini shqiptar që i ka rrëmbyer zemrat publikut italian, rikthehet në vendlindje me statusin e profesionistit të vetëm të vërtetë të baletit në panel. Javën e dytë të shtatorit nisim festën më të bukur të vallëzimit në ekranet shqiptare në @rtvklan”, shkruan Alketa.
