Trupat e pajetë të dy peshkatarëve italianë janë gjetur në brigjet e Vlorës. Shtetasit italianë ishin shpallur të humbur në Brindisi, teksa ishin zhdukur pasi ishin larguar për peshkim më 15 mars.
Mësohet se viktimat janë 48-vjeçari, Sante Lanzillotti, dhe 46-vjeçari, Francesco De Biasi. Viktimat u njohën nga familjarët e tyre, të cilët mbërritën në Shqipëri, pasi autoritetet lokale shqiptare kanë vënë në dije policinë italiane për gjetjen e trupave.
Tashmë viktimat ndodhen në morgun e Vlorës dhe do të dërgohen në Itali, për analiza e hetime të mëtejshme mbi çështjen.
Dyshohet se vdekja e peshkatarëve ka ardhur si pasojë e mbytjes së anijes.
