Sinodi i Kishës Ortodokse Greke i ka dhënë një goditje të fortë nismës së Kryeministrit Cipras për të nxjerrë klerin nga listpagesa e buxhetit të shtetit. Gjatë një takimi gjatë ditës së premte (sot) krerët më të lartë të kishës greke kanë refuzuar të aprovojë draft-marrëveshjen mes Kryeministrit grek Aleksis Cipras dhe Kryepeshkopit të Athinës, Jeronimos, sa i përket propozimit për të ndryshuar procesin e pagesës të klerit nga ana e shtetit grek, raportojnë mediat greke.
Sinodi i Kishës Greke vendosi njëzëri vendosi të linte të paprekur sistemin aktual të pagesës së klerikëve.
Takimi u zhvillua në një klimë të tensionuar, madje dy Metropolitët u panë të dilnin nga salla e mbledhjeve në mënyrë flagrante, pasi nuk ishin aspak dakord me këtë çështje. Me vendimin e tyre, klerikët kanë vendosur një vijë të kuqe për regjimin e pagesave, duke hedhur poshtë efektivisht marrëveshjen Cipras–Jeronimos, pa e diskutuar fare atë. TIRANA TODAY
