Mitropoliti i Kishës Ortodokse Malazeze (CPC) Mihailo ka akuzuar Inspektoratin për Mbrojtjen e Pasurisë Kulturore se ka vepruar me dy standarde. Kërkesës për heqjen e monumentit Punishi Raçiq i është përgjigjur duke veruar në mënyrë emergjente, kurse për peticionin e CPS-së për të hequr kishën në Rumi nuk ka dhënë ende një përgjigje.
Mitropoliti Mihalio ka deklaruar se pllaka në Punishi Raçiq është hequr pas reagimit të ashpër të komunitetit kroat, e cila edhe formalisht është shprehur në notën e Ministrisë së punëve të jashtme të Kroacisë.
Ndërkohë që sipas mitropolitit Miahilo duket qartë se inspektorati nuk do të veproj për rastin e objektit prej metali në Rumi deri sa të dëgjohet reagimi publik nga ana e institucioneve ndërkombëtare kulturore dhe shkencore.
Në vitin 2005 është vendosur kisha metalike në Rumi nga kisha ortodokse serbe me ndihmën e helikopterit të ushtrisë së Serbisë dhe Malit të Zi. Kjo ka ndodhur pa miratimin e Ministrisë së Planifikimit Hapësinor të Malit të Zi dhe ka nxitur një debat të madh në Mal të Zi sidomos në radhët e shqiptarëve, të cilët vazhdojnë edhe sot me kërkesën për heqjen e këtij objekti.
