Klajdi Serjani dhe Euxhenjo Manushi, përkatësisht 24 dhe 20 vjeç, u arrestuan gjatë një operacioni të Anti-Drogës në Tiranë, mbrëmjen e djeshme, pasi u kapën me 1 kilogram e 50 gramë kokainë, me vlerë tregu 270 mijë euro. Ata dyshohet se shpërndanin drogëra të forta në zonën e ish-Parkut të Autobusëve në kryeqytet.
Mësohet se 20-vjeçari Euxhenjo Manushi është djali i muzikantit të njohur saksofonist Adriano Manushi, i njohur me emrin e artit si Ad Sybardhi.
Pas arrestimit të të birit, ka ardhur një reagim në rrjetet sociale dhe nga Ad Sybardhi, i cili ka postuar foton e Euxhenjos në rrjetet sociale dhe krahas saj shkruan: “Allahu te begatoft shpirti babit”.
Në komente ka reaguar edhe violinisti Ervin Gonxhi, i cili e konsideron Euxhenjo Manushin si “kingu i kingave”.
