Më shumë se 120 persona janë zhdukur pas rrëshqitjes së dherave në provincën Sichuan në jug-perëndim të Kinës, thonë mediet shtetërore.
Rreth 40 shtëpi u shkatërruan në fshatin Xinmo në qarkun Maoxian, pasi ana e një mali rrëshqiti rreth orës 06:00 lokale.
Ekipet e shpëtimit janë në kërkim për të mbijetuarit e bllokuar nën gurë e baltë.
Një çift dhe një fëmijë u shpëtuan dhe u dërguan në spital pasi ekipet e punëtorëve përdorën litarë për të lëvizur shkëmbinj të mëdhenj, raporton agjencia e lajmeve AFP, duke cituar autoritetet lokale.
