Koreja e Veriut ka testuar një armë “ultramoderne” të sapoformuar në një event të mbikëqyrur nga udhëheqësi Kim Jong Un, duke lëkundur negociatat bërthamore të çarmatimit me Shtetet e Bashkuara.
Dihet shumë pak rreth armës, apo nëse është e re, ndërsa ky testim është dëshmi se Koreja e Veriut është e gatshme t’i kthehet një marrëdhënieje më shumë militariste me Uashingtonin, nëse bisedimet vazhdojnë të shkojnë keq.
“Ai po ecën drejt një qëndrimi më agresiv në negociatat me SHBA-në dhe po sinjalizon se nuk do të hapë rrugë pasi mund të kthejë praktikat e vjetra nëse SHBA nuk e ndryshon qasjen e saj”, tha Josh Pollack, hulumtues në Institutin e Studimeve Ndërkombëtare në Monterrey për CNN, duke iu referuar Kim Jong-un.
Agjencia shtetërore e lajmeve të Koresë së Veriut, KCNA, njoftoi testin të premten në mëngjes, duke mos dhënë detaje mbi vendndodhjen e testimit dhe pak informacion rreth armës, përveç asaj se ishte “taktike” dhe ishte porositur “personalisht” nga babai i Kim, Kim Jong Il./ TIRANA TODAY
