Lideri i Koresë së veriut, Kim Jong-un ndodhet në gjendje të rëndë shëndetësore në spital, pasi ka kryer një ndërhyrje kirurgjikale.
Ai i është nënshtruar një operacioni kardiovaskular në datën 12 prill, e ndërsa mediat e huaja raportojnë se shëndeti i tij ishte përkeqësuar muajt e fundit. Shërbimi Sekret Amerikan, ka zbuluar se Kim i është nënshtruar një operacioni të rëndë, dhe jeta e tij është në rrezik.
Autoritetet nga Koreja e Jugut thonë se nuk kanë zbuluar sinjale “të pazakonta” nga Veriu, që mund të sugjerojnë një problem serioz shëndetësor për udhëheqësin Kim Jong-un.
Më 15 prill, diktatori i Koresë së Veriut nuk kishte marrë pjesë si kurrë më parë, në festimet për ditëlindjen e gjyshit të tij, themeluesit të ndjerë të kombit Kim Il Sung, gjë e cila ka nxitur spekulime për shëndetin e tij.
Kim u shfaq për herë të fundit në mediet shtetërore të Koresë së Veriut më 11 prill. Aktualisht nuk ka asnjë mohim ose konfirmim zyrtar nga regjimi i Koresë së Veriut.
Fakti që Koreja e Veriut mban një arsenal bërthamor, dhe ka më shumë ekstremistë sesa Kim, ka shkaktuar alarm në Shërbimet Sekrete Amerikane.
Gjithashtu gjendja e Kim Jong-un ka shqetësuar zyrtarët amerikanë për marrëdhëniet e SHBA dhe Koresë së Jugut me atë të Veriut, thonë burimet e CNN.
