Lideri i Koresë së Veriut, Kim Jong-un ka dërguar një letër në Seul, ku zotohet se do të takojë më shpesh liderin e Koresë së Jugut, Moon Jae-in gjatë vitit të ardhshëm.
Takimet do të bëhen për të diskutuar rreth denuklearizimit të Gadishullit korean, ndërsa Kim tha se dëshiron të arrihet paqe mes dy vendeve dhe të zgjidhet “çështja e denuklearizimit të Gadishullit së bashku”, tha një zëdhënës i presidentit Moon.
Lideri verior në letër ka shprehur keqardhje që nuk ka mundur të vizitojë Seulin në 2018, si dhe ka premtuar që do ta vizitojë atë.
Edhe pse teknikisht të dyja vendet janë ende në luftë, marrëdhëniet janë përmirësuar ndjeshëm në një masë gjatë vitit 2018.
