Kampioni i botës i UFC-së të peshave të lehta, Khabib është pritur si hero ne vendlindjen e tij në Dagestan, në stadiumin “Anzhi Arena” për ta përshëndetur.
Rusi ka mbajtur një fjalim të mahnitshëm, ku ka treguar detaje të duelit historik. Ai ka treguar se e donte me patjetër fitoren ndaj McGregor për t’i treguar atij dhe botës se kombi i tij nuk mund të thyhet.
Khabib kujton kohët e vështira që populli i tij ka kaluar, ndërsa shton se Dagestani është vendi që i solli atij frymëzim.
Fjala e plotë e Khabib
Përshëndetje të gjithëve. Do t’ju flas për pak, shumë njerëz kanë ardhur. Përshëndetje të gjithëve dhe faleminderit që erdhët. Ju e keni ndjekur se çfarë ka ndodhur që nga fillimi. Keni parë se çfarë ndodhi në konferencën për shtyp, keni ndjekur videot live online.
Kanë ndodhur shumë gjëra dhe e vetmja gjë që kërkoj është të mos mbahem mend për incidentin pasi dola nga kafazi. Një gjë që doja ishte të tregoja ndryshimin mes kombit tim dhe kombit të tij. Sepse të gjithë ne këtu e dimë se çfarë historie të mahnitshme kemi. Ne e dimë se çfarë kanë kaluar paraardhësit tanë dhe përvojën e hidhur që kombi ynë duhet të kalonte, por asgjë nuk mund të na ndalë.
Di që doja t’u tregoja të gjithëve se çfarë jemi ne, kjo është ajo çfarë desha të arrij me këtë duel. Doja të mbyllesha në atë kafaz me të, kështu në ndeshjen tonë një kundër një do ta provojë këtë që thashë. Janë thënë shumë gjëra në konferencën për shtyp, por unë doja ta bëjë këtë me anë të ndeshjes.
E dini çfarë? Shqiponjat nuk mund të mbahen brenda kafazit dhe unë thjesht ua tregova këtë atyre; nuk mundesh kurrsesi ta mbash një shqiponjë në kafaz. Frymëzimi erdhi pikërisht nga këtu, në Dagestan. Për të gjithë njerëzit që kanë qenë duke më pritur mua këtu, faleminderit shumë!
Kisha nevojë për këtë fitore dhe njerëzit kishin nevojë për këtë fitore. Ka pasur lajme shumë të këqija për ne në Dagestan, por kjo është jo e drejtë. Është e gabuar, sepse ne jemi të kënaqur me ato që kemi. Ne kemi fenë tonë, kemi mënyrën tonë të jetesës. Është shumë e rëndësishme që të rrimë të bashkuar, të mos ndahemi në disa kombësi. Shpresoj të mos kem zhgënjyer pritshmëritë tuaja. Faleminderit për mbështetjen tuaj.
Vërtet nuk dua të largohem sepse shoh shumë njerëz këtu që erdhën të më shohin e të më mbështesin. Ju falënderoj./ Përshtati TIRANA TODAY
