Këtu fillon Botërori, Brazili dhe Zvicra e fillojnë me 65 gola (Video)

Brazili dhe Zvicra do të masin forcat në ndeshjen e parë të këtij Botërori, ku amerikano-latinët vijnë si favoritë. Selecao është një ndër ekipet më të talentuar të kësaj Kupe Bote dhe shanset për të triumfuar janë të mëdha. Ata e treguan veten që në fazën e grupeve ku përballë rivalëve të vështirë, ku përmendet dhe Argjentina e Lionel Messit u shkëputën shumë me pikë dhe siguruan shumë shpejt pjesëmarrjen. Brazilianët në fazën kualifikuese kanë shënuar plot 41 gola.

Nga ana tjetër është Zvicra e shqiptarëve, e cila ka pasur një ecuri solide në vitet e fundit dhe premisat për të ecur sa më lart janë të mëdha. Në fazën kualifikuese ata u renditën pas Portugalisë. Ndërsa vijnë nga një performancë mjaft e mirë në Europianin e Francës. Trajneri Petkovic mund të ketë shansin e fundit që të ketë në përbërje këtë grup të artë lojtarësh dhe do të japë maksimumin për të lënë gjurmë në këtë Botëror, pse jo duke e filluar me mposhtjen e Brazilit. Zvicra ka realizuar 24 gola në fazën kualifikuese për në Botëror.