Daniele De Rosi, Andres Iniesta dhe Loro Pione (portieri i Montpeliesë) janë lojtarët më jetëgjatë në një klub të Europës. Kapiteni i Romës, ai i Barçës dhe i Montpeliesë ndodhen në klubet respektive prej vitit 2002.
Francezja “L’Equipe” ka publikuar një klasifikim të lojtarëve që kanë pasur karrierën më të gjatë me një klub të vetëm në Evropë dhe mes 10 të parëve ka emra nga më të njohurit, përfshirë edhe ata të dy lojtarëve të Barcelonës.Lionel Mesi dhe Andres Iniesta.
Kapiteni i St Etien, Perrë luan me klubin e tij që prej vitit 2003 dhe mban vendin e katërt. Po kaq vite që mbajnë veshur të njëjtën fanellë janë edhe Prieto i Sociedadit, Garsia i Las Palmasit.
Mesi luan me ekipin e parë të Barcelonës prej vitit 2004, ashtu si Flano i Osasunës. Janik Kahyzak i Bastiasë (2005) dhe kapiteni i Uest Hemit, Mark Nobël mbyllin top 10-shen.
RENDITJA
De Rosi Roma 2002
Pione Montpelie 2002
Iniesta Barça 2002
Perrë St. Etien 2003
Prieto Sociedad 2003
Garsia Las Palmas 2003
Mesi Barça 2004
Flano Osasuna 2004
Kahyzak Bastia 2005
Nobël Uest Hem 2005
