Këshilltari i kreut të LSI-së, Lorenc Vangjeli, ka komentuar krizën politike, ndërsa është shprehur optimist lidhur me mosbojkotimin e zgjedhjeve nga ana e opozitës.
Vangjeli ka bërë një parashikim, teksa tha se PD-ja mund të hyjë në zgjedhje, nëse LSI nuk hyn në zgjedhje me PS-në.
“Kjo është një manovër aritmetike. E majta e bashkuar është në shumicë në Shqipëri. Përjashto ’92 të gjitha rezultatet tregojnë se e majta është në shumicë. Gjithë përpjekja e opozitës ishte në këtë gjë, o i ndante këta të dy, se i shikonte këta të dy si një shqiponjë. Po të ishte bërë kjo gjë, që Rama dhe Meta të ishin në sherr me njëri-tjetrin, Basha kishte më shumë shanse të hynte në zgjedhje”, tha Vangjeli.
