Përfundon mbledhja e Këshillit të Mandateve mbi imunitetin e të deputetit Saimir Tahiri, ku është vendosur që të çohen në Kuvend dy raporte.
Opozita mbështet kërkesën e Prokurorisë për arrestimin e deputetit Tahiri, ndërsa socialistët kërkojnë hetim të plotë, por edhe kontroll banese dhe kontroll personal, pa asnjë kufizim nga imuniteti, por jo arrestim.
Parlamenti do të mblidhet ditën e mërkurë për të votuar për dhe për të përzgjedhur një nga raportet që ka dalë nga Këshilli i Mandateve. Votimi bëhet ditën e mërkurë në seancën e radhës, por më një ndryshim të ditës sepse të enjten parlamentarët kanë një aktivitet tjetër. Caktimi i ditës së mërkurë është vendosur kryetari i kuvendit Gramoz Ruçi.
Nasip Naço i LSI: PS votoi pro një raportit që të bëhet një kontroll banese dhe në kontroll personal pro hetimit por jo arrestimit. PD dhe LSI propozuan variantin për arrestimin e Tahirit, hetim dhe kontroll banese. Në Kuvend do të shkojnë dy raporte, nga PS dhe nga PD. Opozita mbështet kërkesën e Prokurorisë Fjalën e fundit do ta thotë Kuvendi
Enkelejd Alibeaj i PD: PS votoi kundër dhënies së autorizimit për arrest, ata janë të kapur nga krimi dhe mafia
Gent Strazimiri i PD: Nuk është korrekte që të ndahet kërkesa e Prokurorisë. Ligjërisht thuhet që nuk është ky Saimiri që kërkohet nga Guardia di Finanza. Në mbledhjen e Këshillit të Mandateve votoi mazhoranca ashtu
Ulsi Manja: Është normale, kur ke hall pushteti, gjykimi i ftohtë të kthehet në emocion politik. Ne pranuan kërkesën e prokurorisë për kontroll personal dhe të banesës së Tahirit që më pas të vijojë autorizimin për urdhër-arresti. Duhen kryer procedurat e nevojshme për këtë. Kërkesa e prokurorisë për arrestimin e Tahirit, ne si pozitë themi se kjo kërkesë nuk mbështetet në prova. Prokuroria është e lirë pas vendimit të kuvendit, të vijojë hetimet, që kanë vetëm 72 orë që kanë nisur. Ne e garantojmë prokurorinë që t’i shkojë deri në fund të të vërtetës. Edhe Tahiri pranoi të ishte në dispozicion të hetimit për çdo gjë.
