“Për të shkruar mirë në lidhje me botën elegante, ju duhet ta njihni dhe përjetoni atë në thellësitë e qenies suaj…ajo që ka rëndësi nuk është nëse ju e doni apo e urreni atë, por vetëm që të jeni mjaft të qartë në lidhje me qasjen tuaj ndaj saj”. (Ernest Heminguej)
“S’keni pse ta vrisni mendjen aq shumë, për ta kuptuar se tmerri ynë ndaj marrëdhënieve njerëzore dhe vetmia…ka të bëjë me ankthin ndaj vdekjes, vetëdijes se unë do të vdes, dhe vdes vetëm, ndërsa pjesa tjetër e botës do të ecë para me gëzim edhe pa mua. (Izabel Alende)
“Në rastin më të mirë, ndjesia e shkrimit është ajo e çdo nderi të pamerituar. Ajo iu jepet juve, vetëm nëse e kërkoni atë. Ju e kërkoni, thyeni zemrën, shpinën, trurin tuaj, dhe pastaj – dhe vetëm atëherë – ajo ju jepet). (Suzan Sontag)
“Rrëfeni të vërtetën duke çarë përmes çfarëdolloj velloje që keni përpara – por thuaje atë. Dorëzojani veten trishtimit të përjetshëm që shkaktohet nga të mos të kënaqurit kurrë”. (Xhon Shtajnbek)
“Braktiseni idenë se nuk do të përfundoni dot kurrë atë çka keni nisur. (F.Skot Fizxherald)
“Mos shkruani kurrë më shumë se 2 faqe për çdo subjekt”. (Xhorxh Oruell)
“Egoizmi absolut…Shkrimtarët e ndajnë këtë karakteristikë me shkencëtarë, artistë, politikanë, avokatë, ushtarë, biznesmenë të suksesshëm – me pak fjalë, me të gjithë ajkën e njerëzimit”. (Ezra Paund)
“Njeriu ka qenë gjithmonë një gjysmë-përbindësh dhe gjysmë-ëndërrimtar”. (Xhozef Konrad)
“Shkrimtari nuk reflekton zakonisht apo interpreton jetën, ai e pasuron me informacion dhe e formëson atë” (Xhek Keruak)
“Për të pasur një stil të veçantë në shkrimet tuaja, duhet të jeni të dobët në të folur. (Çarls Bukovski)
“Të shkruash, është si të shkosh në shtrat me një grua të bukur, ku më pas ajo ngrihet merr çantën e saj, dhe më jep një pjesë të vogël të parave”. (Samuel Xhonson)
“Shkrimtarët e talentuar i bëjnë gjërat të ndodhin në mendjen e lexuesit – gjallërisht, me forcë – diçka që një shkrim i mirë, që mjaftohet me qartësinë dhe logjikën, nuk e bën”. (Uilliam Follkner)
“Çdo ditë, ne zgjohemi paksa të ndryshëm, dhe personi që ishim dje ka vdekur. Pra pse, mund të thotë dikush, duhet të kemi frikë nga vdekja, kur ajo ndodh gjatë gjithë kohës?” (Çarls Bukovski)
“Shkrimtarët shërbejnë si kujtesa e një populli. Ata përtypin të shkuarën tonë publike”. (C.S.Ljuis)
“Morali i vetëm i ndonjë vlere, është ai që lind në mënyrë të pashmangshme nga mendja e një autori”. (Niçe)
“Nganjëherë mendoj se arsyeja më e mirë për të shkruar romane, është përjetimi i atyre 4-5 orëve pasi të keni shkruar fjalën e fundit”. (Xhorxh Oruell)
“Të gjithë krijuesit, duhet t’i lënë hapësirë veprimeve të shpirtit. Por ata duhet të punojnë shumë dhe me kujdes, dhe të presin me durim për ta merituar suksesin”. (Gabriel Garsía Markez).
“Aftësia për të falur veten …është çelësi për të bërë art, dhe ndoshta çelësi për të gjetur çdo lloj gjëje të ngjashme me lumturinë në jetë”. (Umberto Eko)
Përshtati për Tirana Today, Alket Goce
