Ditën e shtunë më 2 mars Komuniteti Mysliman i Shqipërisë mban zgjedhjet për kryetarin e ri për një mandat 5 vjeçar. Ndërsa ditën e premte (nesër) në orën 15:00, sipas burimeve të sigurta do të mblidhet kryesia e Komunitetit Mysliman për përzgjedhjen e kandidaturave që pritet të votohen për kryetar të Komunitetit Mysliman të Shqipërisë.
Sonte në Ora News, myftiu i kryeqytet dhe njëkohësisht një nga kandidatët, Ylli Gurra ka kërkua që kjo mbledhje e kryesisë të jetë e hapur për mediat, sepse sipas tij Komuniteti Mysliman i Shqipërisë duhet të drejtohet nga një kandidat i pavarur.
“Komuniteti Mysliman i Shqipërisë nuk duhet të jetë asnjëherë, në asnjë kohë dhe nga askush, faktorë dhe aktorë të brendshëm apo të jashtëm, i kapur. E them së pari për ata që janë drejtpërdrejtë përgjegjës, edhe si unë që jam myftiu i Tiranës, që duhet të jetë i pavarur si drita e diellit nga çdo indoktrinim, nga çdo kapje, çdo pretendim, çdo tentakule e kujtdo qoftë.
Myslimanët janë dhe duhet të jenë në gjendje të drejtojnë jo vetëm vetveten por jemi të detyruar të japim shembullin tonë sepse këtë barrë historike e kemi marrë me vetëdije. Ndaj për hir të kësaj barre transparenca të jetë e madhe, e për këtë arsye janë të ftuara edhe mediat.”, u shpreh Gurra.
Myftiu i Tiranës Ylli Gurra trondit komunitetin mysliman shqiptar 2 ditë para zgjedhjeve
