KQZ do të marrë sot vendimin mbi kërkesën e PS-së dhe LSI-së, lidhur me shtyrjen e afatit të regjistrimit të partive dhe koalicioneve për zgjedhjet e 18 qershorit.
PS dhe LSI nuk u regjistruan si koalicion zgjedhor dje, ndërsa zgjodhën që t’i drejtohen KQZ-së me një letër, të firmosur nga Gramoz Ruçi dhe Luan Rama. Këta të fundit kërkuan një shans më shumë “për të negociuar me opozitën, për të mundësuar pjesëmarrjen e të gjithë spektrit ekzistues politik të vendit në zgjedhjet parlamentare të datës 18 qershor”.
Megjithatë, duket se PD është e vendosur për të mos u regjistruar në zgjedhje. Paloka i nisi një letër Komisionit Qendror të Zgjedhjeve, të cilit i drejtohet me fjalët se “një vendim pro shtyrjes, jo vetëm është antiligjor dhe do ta përvijonte KQZ-në si institucion thellësisht politik në duart e qeverisë, por do të paragjykonte çdo lloj zgjidhjeje politike të krizës së thellë në vend”.
