Kërkesa e partive bashkëqeverisëse PS dhe LSI, për shtyrjen e regjistrimit të koalicineve, ka “irrituar” Blushin. Ky i fundit, ashtu si Partia Demokratike e ka quajtur jonormale shtyrjen e datës së regjistrimit të partive dhe koalicioneve në KQZ.
Nëse kjo gjë ndodh, Blushi është shprehur se do shkojë në Kolegjin Zgjedhor për ta kundërshtuar ligjërisht.
Këtë njoftim, kreu i LIBRA-s e dha nëpërmjet Facebook, ndërsa të njëjtën gjë ai tha edhe sot, gjatë fjalës së tij në Parlament.
Më poshtë statusi i plotë i Blushit:
“LIBRA NË KOLEGJ, NËSE KQZ ÇMËNDET
Shpresoj që të mos ndodhë por nëse KQZ e ndryshon afatin ligjor të rregjistrimit të koalicioneve atëherë LIBRA do shkojë në Kolegjin Zgjedhor për ta kundërshtuar ligjërisht. Duhet mbrojtur ligji që të mbrohen zgjedhjet. Nëse dikush çmëndet e çojnë në spital, por nëse një institucion çmëndet duhet çuar në Gjykatë!”
