“Më kërcënojnë që të mos flas, por dua ta përfaqësojmë Iranin denjësisht në Rusi”

Carlos Queiroz, është njeriu më i dashur në Iran sa i përket botës së futbollit, pasi që nga viti 2011 kur ka marrë drejtimin e kombëtares iraniane ka pasur shumë suksese. Trajneri portugez e ka kualifikuar në dy edicione të njëpasnjëshme të Kupës së Botës për herë të parë në histori, në 2014-ën dhe 2018-ën. Por, gjatë kësaj kohe, nuk kanë munguar përplasjet me drejtuesit e federatës, me trajnerin që ka ofruar dorëheqjen e tij në disa raste. Kontratat e tij aktuale skadon në fundin e Botërorit të ardhshëm.“Irani ka nevojë për një përgatitje të veçantë”, ka thënë ai në një video të postuar në faqen e tij të Facebook-ut. “Nuk më interesojnë kërcënimet dhe ato që janë munduar të bëjnë për të mos më lënë të flas. Tifozët iranianë meritojnë një përgatitje të veçantë për Kupën e Botës. Ne duhet të punojmë për t’u paraqitur me nder dhe krenari. Ata mund të më shkarkojnë, nuk më intereson, por ka ardhur koha të shpreh mendimin tim, sepse tifozët e Iranit e meritojnë këtë dhe lojtarët duhet të kenë gjithë mbështetjen e duhur për të luajtur në këtë kompeticion”.Karriera e Queiroz është mjaft e pasur pasi në vitin 2003-2004 ka qenë trajner i Real Madrid dhe ka një eksperiencë mjaft ë mirë në “Bernabeu”. Po ashtu ka qenë ndihmës i Ser Alex Ferguson te Manchester United, ku ka fituar një eksperiencë mjaft të madhe.