Koreja e Veriut i ka kërkuar përmes një letre Australisë mbështetje kundër Donald Trump.
Një kopje e letrës, e dërguar nga ambasada e Phenianit në Indonezi është publikuar nga ministria e jashtme e Australisë.
Letra kritikon “parimin e parë të SHBA-së” të Donald Trump-it dhe godet “vendet pa parime, mendje ngushta dhe egoiste”, të cilat vendosën sanksione “të paligjshme” kundër regjimit të Kim Jong-un.
Kërcënimi i Trump për të shkatërruar Korenë e Veriut me armatim bërthamor është një kërcënim për të shkatërruar gjithë botën, thotë dokumenti.
Ai u bën thirrje vendeve të reagojnë me “vigjilencë të mprehtë” kundër pozicionit të SHBA.
Letra i drejtohet Parlamentit të Australisë nga Komiteti i Punëve të Jashtme të Asamblesë Popullore të Koresë së Veriut.
#NKorea wrote a letter to Australia https://t.co/63TbhBzXrV pic.twitter.com/r8QwEwkbqN
— euronews (@euronews) October 20, 2017
