Kujdesi ndaj thonjve mbetet prioritet për femrat, por jo vetëm. Ka raste kur kujdesi kthehet në një fiksim, sikundër nuk mungojnë edhe rastet kur thonjtë nuk marrin formën e duhur, duke na dhënë një imazh aspak të mirë.
Ne i shkatërrojmë thonjtë në format nga më të ndryshme. Këtu bën pjesë trajtimi i thonjve me produkte të pa kontrolluara dhe të pa përshtatshme, sikurse është xheli apo përbërës të tjerë që ne i përdorim që thonjtë të duken më bukur.
Indikatorë të tjerë janë stresi, lodhja, nervozizmi, etj, që ndikojnë direkt në mirëqenien e thonjve dhe ripërtëritjen e tyre në mënyrë graduale. Nuk duhet të harrojmë se një shkak mjaft i zakonshëm që e hasim në të shumtën e rasteve është ai i një diete të varfër, veçanërisht të mungesës së vitaminës A dhe B6.
