2017-a ishte viti i kurorëzimit në martesë të çifteve VIP, megjithatë, duket se edhe viti tjetër do të jetë i tillë.
Pas modeles Angela Martini, është këngëtarja Afërdita Dreshaj ajo që i ka thënë “po” të dashurit të saj çek, hokeistit Jakub Kendl.
Vetë këngëtarja ka ndarë më fansat e saj momente nga mbrëmja fantastike që i dashuri i saj kishte organizuar, duke prenotuar tarracën e një hoteli me 5 yje në Pragë.
Siç duket nga fotot, ambienti ishte i arreduar me lule, qirinj dhe një tavolinë me një shishe shampanjë për dy të dashuruarit.
Thjesht dhe bukur! Nuk na mbetet gjë tjetër, veçse t’i urojmë çiftit jetë të lumtur bashkë!
