Shqipëria ka një standard jetese shumë më të ulët se vendet e tjera në rajon. Në fakt nuk mund të krahasohemi me asnjë nga vendet fqinje. Por çmimi i energjisë elektrike është sërish i lartë kur krahasohemi me Serbinë dhe Kosoven. Çmimet e energjisë elektrike në vendin tonë nuk kanë ndryshuar gjatë gjysmës së parë të vitit në krahasim me të njëjtën periudhë të një viti më parë. Për 100 KëH çmimi mesatar fiksohet në 8.4 euro, çka sipas të dhënave më të fundit të Eurostat e bën Shqipërinë vendin e tretë më të lirë në Europë në terma absolutë, pas Kosovës dhe Serbisë me 6.6 euro.
Eurostat merr në analizë vendet e unionit, ato kandidate dhe ato potencialisht kandidate si dhe vendet e Efta-s.
E përkthyer në trema të fuqisë blerëse, pra pesha reale e energjisë elektrike duke llogaritur edhe të ardhurat e qytetarëve, Shqipëria nuk është aspak vendi më i lirë, por renditet i 24-ti ndër këto 40 shtete. Kjo do të thotë se, praktikisht, për një holandez, francez, apo austriak, sa për të marrë tre shembuj, elektriciteti është më i lirë se për një shqiptar, shkruan Scan
Kur bëhet fjalë për taksat ndërkohë, rezulton se Shqipëria është një ndër vendet që ka taksimin më të ulët për energjinë elektrike, në vetëm 17%. Por edhe këtu, Bosnje Hercegovina, Kosova dhe Maqedonia kanë peshë fiskale më të ulët.
