Këshilli Europian ka nxjerrë disa konkluzione për marrëveshjen e arritur mes ministrave të Jashtme të BE për zgjerimin e BE. Këshilli i bën thirrje Komisionit që të monitorojë përpjekjet për reformat që do ndërmarrë Shqipëria.
“Negociatat me Shqipërinë do të vendosen në varësi të procedurave parlamentare. Vlerësimi i progresit duhet të përfshijë rezultate të mëtejshme dhe të prekshme tek sundimi i ligjit.
Në zgjedhjet e ardhshme Shqipëria t’u përgjigjet rekomandimeve të OSBE.Shqipëria të vijojë përpjekjet për të reduktuar numrin e kërkesave për azil.
Duhet konsoliduar progresi me reformën në drejtësi, sidomos me vetingun. Të ketë rezultate të prekshme të luftës kundër korrupsionit në të gjitha nivelet. Të ketë rezultate të prekshme në luftën kundër krimit të organizuar, kultivimit dhe trafikimit të lëndëve narkotike dhe thellim të reformave”, janë disa nga konkluzionet.
