Pas vendimit të Kuvendit që i hapi dritën jeshile Prokurorisë të hetoj deputetin Saimir Tahiri vijnë dhe reagimet e para nga ndërkombëtarët. Zëdhënësja e Komisionit Evropian, Maja Koçijançiç në një konferencë për shtyp, e pyetur nga gazetarja, Erisa Zykaj, rreth çështjes së Saimir Tahirit, deklaroi se pritshmëria e Brukselit është që hetimi dhe të gjitha hapat e nevojshme të ndërmerren në përputhje me standardet ndërkombëtare, por kjo do të jetë në një vëzhgim të rreptë. Koçijançi tha se Bashkimi Evropian do ta monitorojë këtë çështje nga shumë afër.
Koçijançi: Ju e dini që Komoisioni Evropian përgatit raportin e tij vjetor, ku kjo do të jetë në një vëzhgim të rreptë, duke qenë se lufta kundër krimit të organizuar dhe reforma e drejtësisë janë prioritete.
Sot më herët ambasadori amerikan në Tiranë, Donald Lu, u shprehet se asnjë nuk është mbi ligjin dhe qytetarët kanë të drejtë të zbulojnë të vërtetën.
Donald Lu: Jeni duke parë se si po shkruhet historia. Në komunizëm dërgoheshin të pafajshëm në burgje. Ne kemi parë se në 27 vite shumë politikanë i kanë shpëtuar drejtësisë. Nuk më takon të them nëse Saimir Tahiri është fajtor apo jo.
Askush nuk duhet të jetë mbi ligjin dhe publiku duhet të dijë të vërtetën për çështjen ‘Tahiri’. Nëse është pa faj duhet ta dini, nëse ka faj duhet të përballet me drejtësinë.
