Zëvëndës sekretarja Përgjithshme e Kombeve të Bashkuara si dhe njëherësh përgjegjëse për Ndihmat Humanitare, Ursula Mueller, ka folur në lidhje me gjendjen e muslimanëve të Arakanit, të cilët janë detyruar të ikin për shkak të persekutimeve në drejtim të Bangladeshit.
Mueller ka theksuar se “Tragjedia në Mianmar na del përpara si tragjedia më e madhe njerëzore e epokës sonë.
“Ne shprehim shumë qartazi nevojën e përfundimit të tragjedisë dhe përmbushjes së nevojave themelore të refugjatëve”, tha Mueller, në një deklaratë për gazetarin e AA-së. Ajo shtoi se Mianmari po ballafaqohet me një krizë serioze humanitare.
Gjithashtu ajo ka thënë se duhet të ndërhyhet sa më oparë që t’i jepet fund operacineve ushtarake dhe refugjatët që ikën nga rajoni të kthehen mbrapsht.“Duhet të garantohet edhe siguria e atyre që kthehen. Sekretari i Përgjithshëm Antonio Guterres ka dhënë deklarata të qarta. Pas thirrjeve tona, organizatat botërore vazhdojnë të bëjnë atë që munden për t’i përmbushur nevojat e muslimanëve në Mianmar si dhe për t’i dhënë fund sadopak tragjedisë”-shprehet ajo.
Duke rikujtuar marrëveshjen e Arakanit mes Bangladeshit dhe Mianmarit, Muller thotë se: “Ka nisur një dialog për këtë dhe zgjidhja po vërehet. Parimi bazë i tyre është dhënia fund e operacioneve ushtarake, kthimi i sigurtë i këtyre personave si dhe krijimi i një mjedisi të sigurtë për të kthyerit. Në këtë aspekt edhe ne do të vazhdojmë që të bëjmë atë që na takon neve”-përundoi ajo.
